«Նոր Հայաստան» նախաձեռնության երթի ժամանակ Հանրապետության հրապարակից բերման ենթարկված 8 անձինք այս պահին ոստիկանության կենտրոնական բաժնում են: Այս մասին Aravot.am-ին տեղեկացրեցին ոստիկանության լրատվական ծառայությունից:
Ոստիկանությունը կազմում է արձանագրություն վարչական իրավախախտումների վերաբերյալ օրենսգրքի 182-րդ հոդվածով՝ ոստիկանի օրինական պահանջը չկատարելը:
Նկատենք, որ նման դեպքերում մինչեւ 3 ժամը բերման ենթարկված քաղաքացիները պահվում են ոստիկանության բաժնում, արձանագրություն կազմելուց հետո, ազատ արձակվում:
Նելլի ԲԱԲԱՅԱՆ
