2012-ի օգոստոսին «Առավոտի» «Դեմ առ դեմ» հաղորդաշարի հյուրն էր քաղաքական գիտությունների դոկտոր Լեւոն Շիրինյանը. քննարկման թեման սիրիական ճգնաժամի աշխարհաքաղաքական եւ տարածաշրջանային հետեւանքներն էին: Ահա այս հաղորդման ընթացքում Լեւոն Շիրինյանը կանխատեսել էր այն, ինչ տեղի ունեցավ երեք տարի անց՝ մասնավորապես նշելով, թե սիրիական ճգնաժամում Ռուսաստանը ավելի կարծր դիրքորոշում կունենա՝ պատճառաբանելով. «Եթե Սիրիան Ռուսաստանը թողնում է, նա տասնամյակներով, մեկընդմիշտ գուցե՝ Միջերկրական տարածաշրջանը թողնում է, ու վերջացած է սա… Ռուսաստանը եթե վերջին կռիվը չտվեց Սիրիայի համար այս տարածաշրջանում՝ վստահ եղեք, որ նա տասնամյակներ փորձելու է վերականգնվել, թե չէ՝ չգիտեմ:
Դրա համար, կարծում եմ, նրա դիրքորոշումը կարծրանալու է, ինչքան ճգնաժամը խորանա»:
Ի դեպ, նաեւ հավելել էր. «Հիմա սրանք կարող են այսօր թվալ տեսական դատողություններ, բայց համաշխարհային քաղաքականության մեջ շատ հաճախ լինում են այնպիսի բաներ, որոնք խիստ անհավանական են, օրինակ՝ Խորհրդային Միության փլուզումը»:
Կարդացեք նաև
«Առավոտ» օրաթերթ
05.12..2015
