Քիչ առաջ Հանրաքվեի կենտրոնական հանձնաժողովի նախագահ Տիգրան Մուկուչյանը ներկայացրեց 20:00-ի տվյալներով հանրաքվեի քվեարկությանը մասնակցած քաղաքացիների նախնական թիվը:
Տիգրան Մուկուչյանը նշեց, որ ժամը 20:00-ին քվեարկությունը ավարտվել է, ընտրատեղամասերը փակվել են, եւ ընտրատեղամասերի հանձնաժողովները սկսել են արդեն քվեարկության արդյունքերի ամփոփման աշխատանքները: Նա հայտնեց, որ Երեւանում հանրաքվեին մասնակցել է 388 506 քաղաքացի կամ ընտրողների 45.93 տոկոսը, Արագածոտնում՝ 61 451 քաղաքացի կամ 53.26 տոկոսը, Արարատում՝ 144 452 քաղաքացի կամ ընտրողների 66.33 տոկոսը, Արմավիրում՝ 127 701 քաղաքացի կամ 55.63 տոկոսը, Գեղարքունիքում՝ 98 993 քաղաքացի կամ ընտրողների 52.69 տոկոսը, Լոռում՝ 110 054 քաղաքացի կամ ընտրողների 46.23 տոկոսը, Կոտայքում՝ 123 044 քաղաքացի կամ ընտրողների 52.24 տոկոսը, Շիրակում՝ 95 171 քաղաքացի կամ ընտրողների 41.28 տոկոսը, Սյունիքում 66 786 քաղաքացի կամ ընտրողների 61.02 տոկոսը, Վայոց ձորում՝ 27 327 քաղաքացի կամ ընտրողների 57.96 տոկոսը, Տավուշում՝ 52 883 քաղաքացի կամ ընտրողներ 48.30 տոկոսը: Հանրաքվեին մասնակցել է 1 296 368 քաղաքացի կամ ընտրողների 50.51 տոկոսը:
Ամի ՉԻՉԱԿՅԱՆ
