Այսօրվա երթը սկսվեց բավական ուշացումով, քանի որ բավական լարված իրավիճակ է ստեղծված` ոստիկանական մեծ թվով զորքերը կենտրոնացել են Ազատության հրապարակում, առաջին շարքի ոստիկանները վահաններով են:
Հանրահավաքը սկսվեց Հայաստանի Հանրապետության օրհներգով:
Մինչ ելույթի սկսելը՝ Րաֆֆի Հովհաննիսյանին ներկայացրեցին Հայաստանի Հանրապետության նոր նախագահ:
Նա իր ելույթում ասաց, որ մենք այսօր միասին ապրում ենք ճշմարտության Հայաստանյան պահը. «Այս ճշմարտությունը մեզ ուղեկցելու է ողջ կյանքի ընթացքում եւ որեւէ մեկը` քաղաքացի, թե իրավաբան, իրավունք չունի ճշմարտության պահը եւ ճանապարհը չընդունել եւ շեղվել դրանից»:
Կարդացեք նաև
Րաֆֆի Հովհաննիսյանը նշեց, որ պետական դավաճանություն եւ հանցագործություն, ժողովրդի դեմ ահաբեկչությունը նախաձեռնել է հանրապետության նախագահ Սերժ Սարգսյանը, «Հանրապետական» կուսակցության շտաբի պետ Հովիկ Աբրահամյանը եւ նույն կուսակցության տարբեր մակարդակների ղեկավարներ, քաղաքապետեր, մարզպետներ եւ շտաբի պետեր:
Պարոն Հովհաննիսյանը նշեց` հիմա կամ երբեք, կամ այս կուսակցության հավերժացում. «Հարգում եմ բոլորիդ, բայց Սարգսյանից մինչեւ ինձ բոլորս պիտի պատասխանատվություն կրենք»: Րաֆֆի Հովհաննիսյանը նշեց, որ պետք է լինի անցումային իշխանափոխություն, հրաժարական Սերժ Սարգսյանին եւ «կորչի ցանկացած կուսակցապետություն`կեցցե Հայաստանի Հանրապետությունը»:
Անուշ ՄԱԹԵՎՈՍՅԱՆ
