Ոստիկանության պետի աշխատակազմի ղեկավար, ոստիկանության փոխգնդապետ Մերուժան Հակոբյանը քիչ առաջ ներկայացրեց մինչ այժմ ստացված դիմումների, հաղորդումների մասին տեղեկատվություն:
Նա հայտնեց, որ մինչեւ հանրաքվեն կատարված խախտումների վերաբերյալ ոստիկանությունը ստացել է 25 ահազանգ, որոնք հիմնականում ստացվել են զանգվածային լրատվության միջոցներից. «Նրանցից 7-ը վերաբերվել են ընտրակաշառքներին, 9-ը՝ ընտրական իրավունքի իրականացմանը խոչընդոտելուն, 2-ը՝ հանրահավաք կամ քարոզարշավը խոչընդոտելուն, 1-ը՝ ընտրացուցակների անճշտություններին, 1-ը՝ կողմերի միջեւ ընդհարման մասին, եւ 1-ը տեղեկություն ընտրողների թվաքանակի վերաբերյալ։ Նշված դեպքերով 3-ով հարուցվել է քրեական գործի հարուցումը մերժելու որոշում, մեկը՝ քննարկման համար ուղարկվել է ՀՀ ոստիկանության անձնագրային ու վիզաների վարչություն, 17 դեպքով այս պահին կատարվում քննություն»:
Մերուժան Հակոբյանը հայտարարեց, որ հանրաքվեի մեկնարկից սկսած՝ ոստիկանությունը ընտրախախտումների վերաբերյալ ստացել է 4 ահազանգ, 27 դեպքի մասին տեղեկացել է զանգվածային լրատվական միջոցներից, նրանց հիման վրա ուսումնասիրություններ է սկսել. «Նշված դեպքերից 5-ը քվեարկելուն ուղղորդելու դեպքերն են, 4-ը լրագրողական գործունեության խոչընդոտման վերաբերյալ դեպքեր, 4-ը՝ դիտորդական առաքելության խոչընդոտման, 3-ը՝ ընտրակաշառքի փորձի վերաբերալ»:
Ամի ՉԻՉԱԿՅԱՆ
