Ինչպես հայտնի է, նախօրեին հայաստանյան հեռուստաընկերություններին տված հարցազրույցում նախագահ Սերժ Սարգսյանը սահմանադրական փոփոխությունների վերաբերյալ ՀՀ նախկին նախագահների քննադատական տեսակետները «մերկապարանոց մեղադրանքներ» որակեց:
Yerevan.Today-ը դիմեց ՀՀ 2-րդ նախագահի գրասենյակ՝ Սերժ Սարգսյանի հայտարարությունը մեկնաբանելու խնդրանքով: Ի պատասխան՝ գրասենյակի ղեկավար Վիկտոր Սողոմոնյանն ասաց հետևյալը. «Մեր քաղաքացիներն ունակ են ինքնուրույն և ըստ արժանվույն գնահատել ինչպես սահմանադրական փոփոխությունները նախաձեռնողների, այնպես էլ դրանց դեմ հանդես եկողների փաստարկների կշիռը: Հասարակական տրամադրությունների և գնահատականների ամենաօբյեկտիվ ցուցիչն այսօր սոցիալական ցանցերի տեսությունն է, որը, մեղմ ասած, բացարձակապես հանրաքվեի կողմնակիցների օգտին չէ»:
