Ֆրանսիայի Ազգային ժողովը կքննարկի պատգամավոր Վալերի Բուայեի Հայոց ցեղասպանության ժխտումը քրեականացնող օրինագիծը: Ըստ «Nouvelles D’armenie»-ի՝ Ֆրանսիայի Ազգային ժողովը որոշել է օրինագիծն ուղարկել հատուկ հանձնաժողովին:
Վալերի Բուայեն հիշեցրել է, որ 1998 թվականի մայիսի 29-ին Ֆրանսիայի Ազգային ժողովն ընդունել է Հայոց ցեղասպանությունը ճանաչող բանաձեւը. «Ճանաչումը կարող է հաջողություն համարվել ոմանց համար, բայց ես որոշեցի ավելի առաջ գնալ, որպեսզի խուսափենք զոհերի եւ նրանց հետնորդների նկատմամբ անարդար վերաբերմունքից»:
Նա գրել է, որ երեկ հայերն ու ասորիներն են կոտրվել, իսկ այսօր կրկին Արեւելքում քրիստոնյաներն են կոտորվում. «Ֆրանսիան պետք է պաշտպանի այս փոքրամասնություններին, Ֆրանսիան պետք է կանխի Հոլոքոստի մերժումը, Ֆրանսիան պետք է եւս մեկ անգամ դառնա մարդու իրավունքների եւ մարդկային արժանապատվության երկիր»:
Պատրաստեց Աշոտ ԻՍՐԱԵԼՅԱՆԸ
