Նախագահ Սերժ Սարգսյանն այսօր հյուրընկալել է գրող, հրապարակախոս, ՀՀ մշակույթի վաստակավոր գործիչ Զորի Բալայանին և անվանի մտավորականի ծննդյան 80-ամյա հոբելյանի առթիվ Ռուսաստանի Դաշնությունից Հայաստան ժամանած ռուս մտավորականների ներկայացուցչական պատվիրակությանը, որի մեջ են վաստակաշատ գրողներ, դրամատուրգներ, կինոռեժիսորներ, լրագրողներ, հրապարակախոսներ, արվեստի և գրականության բնագավառի մի շարք այլ գործիչներ: Նաև նրանց աջակցությամբ է, որ Մոսկվայի հայտնի «Խուդոժեստվեննայա լիտերատուրա» հրատարակչությունը լույս է ընծայել Զորի Բալայանի ստեղծագործությունների ութ հատորյակը:
Հանրապետության Նախագահը ողջունել է հյուրերին և շնորհակալություն հայտնել հանդիպմանը ներկա Հայաստանի բարեկամներին, ովքեր, Նախագահի խոսքով, տարիներ շարունակ իրենց գործունեությամբ մեծապես նպաստում են հայ-ռուսական դարավոր բարեկամության ամրապնդմանն ու երկու երկրների միջև հումանիտար և այլ ոլորտներում սերտ փոխգործակցության զարգացմանը:
Սերժ Սարգսյանը ևս մեկ անգամ շնորհավորել է Զորի Բալայանին ծննդյան հոբելյանի, ինչպես նաև նրա ստեղծագործությունների ժողովածուի հրատարակման կապակցությամբ, մաղթել՝ առողջություն, անսպառ եռանդ և ստեղծագործական նորանոր հաջողություններ:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ ՀԱՍԱՐԱԿԱՅՆՈՒԹՅԱՆ ԵՎ ՏԵՂԵԿԱՏՎՈՒԹՅԱՆ ՄԻՋՈՑՆԵՐԻ ՀԵՏ ԿԱՊԵՐԻ ՎԱՐՉՈՒԹՅՈՒՆ
Յաաախխխխք!!!
Զորի Գայկովիչ – ռուսահպատակ վասալ, ստրկամիտ կերպար, գրքից ու գրականությունից բան չհասկացող երևույթ, պետբյուջեյի փողերով օվկիանոսներում ու տարբեր երկրներում կայֆավատ եղած, ստորաքարշ գոյություն, էն թալանչիական կլանի կնքահայր:
Իսկ Դուք ասում եք գրող-հրապարակախոս. չէ մի չէ Սրապիյոնենց պիպիչ: