Բնապահպանների մտահոգություններին հակառակ, այսօր կառավարության այսօրվա նիստում էկոնոմիկայի նախարար Կարեն Ճշմարիտյանը հայտարարեց, որ երկու տարվա ընթացքում պիտի իրականացվի Ամուլսարի հանքավայրի շինարարությունը: Ըստ նախարարի, Լիդիան ինթերնեյշնլի եւ ֆինանսական խմբերի համաձայնությունն արդեն կայացել է: Ծրագրի իրականացման համար ֆինանսական եւ ներդրումային ընկերությունների հետ ստորագրվել է պայմանագիր, ըստ որի՝ 325 մլն դոլարի չափով ներդրումներ իրականացնելու հանձնառություն են ստանձնել:
Կարեն Ճշմարիտյանի խոսքերով՝ «Նաեւ գումարներ են ավելացնելու Միջազգային ֆինանսական կորպորացիան եւ Վերակառուցման եւ զարգացման եվրոպական բանկը: Ներդրումները մոտավորապես կազմելու են 460-480 մլն դոլար, որի արդյունքում մենք տարեկան մինիմում կունենանք Հայաստանում արտադրված 12-14 տոննա ոսկի: Սրա արդյունքում արդեն արդյունաբերական իմաստով արդյունավետ կդառնա նաեւ ոսկու ձուլակտորների արտադրության կազմակերպումը Հայաստանում»:
Նախարարը նաեւ հայտնեց, որ ներդրումները կսկսվեն իրականացվել հաջորդ տարվա գարնանից, շինարարության մեջ զբաղված են լինելու մոտավորապես 1500 աշխատողներ. «Մոտավորապես 60 մլն դոլար ուղղվելու է ոսկու եւ արծաթի վերամշակմանը, 80 մլն դոլար՝ զուտ տեխնոլոգիական հագեցմանը, 160 մլն դոլար՝ նոր տեխնոլոգիական հոսքագծերի եւ աղացների ձեռբերմանը»:
Կարեն Ճշմարիտյանն ասաց, որ արդիական ու վերջին տեխնոլոգիաներով արտադրության կազմակերպում է լինելու:
Կարդացեք նաև
Լուսինե ԲՈՒԴԱՂՅԱՆ
