«Որպեսզի շարժումը հասնի հաջողության, անհրաժեշտ է, որ հստակ պարզ լինի քայլերի տրամաբանության վերաբերյալ: Մեր երկրում ցանկացած ընդդիմադիր քաղաքական գործիչ գտնվում է հսկողության տակ. լսվում են մեր հեռախոսները, հսկվում են մեր գործողությունները: Մենք խնդիր ունեինք դեկտեմբերի 1-ին մատուցել ռեժիմի անակնկալ»,- «Նոր Հայաստանի» նախաձեռնած հանրահավաքի ընթացքում այս հայտարարությունն արեց քաղաքագետ Անդրիաս Ղուկասյանը:
Նա ասաց, թե իրենք չէին կարող իրազեկել, որ երթն անցնելու է Մելիք-Ադամյանով, որովհետեւ այդ դեպքում երթը չէր թույլատրվի. «Մենք, պահպանելով անհրաժեշտ գաղտնիություն, կազմակերպեցինք այդ երթը, նպատակ ունենալով ցույց տալ Հանրապետական կուսակցությանը, որ իրենք չենք վերահսկում իրավիճակը եւ մենք կարող ենք հանկարծ հայտնվել իրենց գրասենյակի մոտ եւ բացել այդ դուռը: Մենք նպատակ չունեինք երեկ այդ դուռը բացելու: Մենք ընդամենը ցույց տվեցինք, որ իրավիճակը չի գտնվում իրենց հսկողության տակ»:
Քաղաքագետը նշեց, որ իշխանություններին հաջողվեց խոչընդոտել իրենց գործողություններն, ինչը գցեց իրենց թափը. «Այսօր մենք ունենք նպատակ շարունակել այդ գործողությունները: Մենք նպատակ ունենք երթ անել դեպի Կենտրոնական ընտրական հանձնաժողով, որ նշենք, թե որոնք են լինելու թիրախները եւ ոնց ենք տեսնում մեր երկրում իշխանության յուրացման էլեմենտները»:
Կարդացեք նաև
Աշոտ ԻՍՐԱԵԼՅԱՆ
