Հարցազրույց ՀՀԿ խորհրդարանական խմբակցության անդամ ՀՈՎՀԱՆՆԵՍ ՍԱՀԱԿՅԱՆԻ հետ
-«Նոր Հայաստանի» հանրահավաքային պայքարը մեկնարկեց։ Նպատակն է կասեցնել հանրաքվեն եւ իշխանափոխություն իրականացնել։ Նրանց շարքերում կան մարդիկ, որոնք չեն բացառում, որ գործը կարող է հասնել զինված ապստամբության: Ի՞նչ է մտածում այս ամենի մասին իշխանությունը:
-Կա տպավորություն, որ «Նոր Հայաստանի» ներկայացուցիչները միտումնավոր են նման բաներ հայտարարում, նրանք ուղղակի ուզում են սադրել, որպեսզի իրավապահ մարմինները ստիպված լինեն օրենքով իրենց վերապահված գործառույթների շրջանակներում որոշակի քայլեր իրականացնել, իսկ իրենք պահից օգտվեն ու ամբողջ գործընթացը այլ հունով տանեն: Սա շատ լավ տեսանելի է:
Սակայն ամեն ինչ կարվի, որ վտանգավոր զարգացումներ տեղի չունենան: Ցանկացած մեթոդ, որն արգելված չէ օրենքով, մեզ համար ընդունելի է, որովհետեւ մենք ուզում ենք, որ «ոչ»-ի կողմնակիցները կարողանան առանց մթնոլորտ շիկացնելու իրենց խոսքը լսելի դարձնել ժողովրդին:
Կարդացեք նաև
-Արմատականները նաեւ հայտարարում են, որ կիրառելու են քաղաքացիական անհազանդության տարաբնույթ տեսակներ, իսկ դրանց ընտրությունը կարվի այսպես. տարբերակներ կառաջարկեն ժողովրդին, նաեւ կլսեն ժողովրդի առաջարկները, ու հետո կորոշեն տեսակը: Այսինքն՝ ոչ ադեկվատ գործողությունների դեպքում ասելու են` ժողովրդի ցանկությունն ենք կատարում:
-Ժողովուրդն իր առաջարկը կանի դեկտեմբերի 6-ին` մասնակցելով հանրաքվեին: Իսկ մնացածը խեղկատակություն է, արկածախնդրություն: Անկեղծ ասած, չեմ ուզում հավատալ, որ «Նոր Հայաստանի» անդամները կգնան նման քայլերի: Չեմ ուզում հավատալ, որ այն մարդիկ, ովքեր այսօր կանգնած են Ազատության հրապարակում ու փորձում են առաջնորդի դեր ստանձնել, իրենց թույլ կտան մեր ժողովրդին մղել սադրանքների:
ԱՐՄԻՆԵ ՍԻՄՈՆՅԱՆ
Հարցազրույցն ամբողջությամբ՝ «Հայոց աշխարհ» թերթի այսօրվա համարում
