Էլեկտրոնային չվացուցակները երբ տեղադրվեցին, քաղաքացիներն ուրախացան՝ վերջապես կանխատեսելի է՝ երբ կժամանի ավտոբուսը: Բայց որոշ ժամանակ աշխատելուց հետո դրանք հիասթափեցրին քաղաքացիներին. մայրաքաղաքի կենտրոնական հատվածի կանգնառներում չվացուցակները բացի սեւ էկրանից՝ որեւէ ավտոբուսի ժամանման մասին չեն ազդարարում:
Քաղաքապետարանից վստահեցնում են՝ որոշ չվացուցակներ կգործարկվեն, երբ տվյալ տարածքով անցնող ավտոբուսները կահավորված կլինեն GPS սարքերով, իսկ որոշ չվացուցակների վրա տվյալ պահին իրականացվում է տեխնիկական բարելավում:
Իսկ մինչ այդ, մարդիկ առիթից օգտվելով, հաճախ տան վաճառքի կամ «ավտոբուսով Ռուսաստան՝ էժան գներով» հայտարարություններ են փակցնում:
Լուսանկարը՝ Նելլի Բաբայանի
«Առավոտ» օրաթերթ
01.12..2015
