«Իշխանություններ դուք արդեն օրենքից դուրս եք»,-դեկտեմբերի 1-ին «Նոր Հայաստան» հանրային փրկության ճակատի հանրահավաքի ընթացքում հայտարարեց «Ժառանգություն» կուսակցության վարչության փոխնախագահ Արմեն Մարտիրոսյանը:
Նա նշեց, որ չընտրված դե ֆակտո իշխանությունը հայ ժողովրդին թողել է մեկ ճանապարհ՝ խաղաղ քաղաքացիական անհնազանդությունը. «Անկախ նրանից, թե ոստիկանները ինչ գործողություններ իրականացնեն, անգամ եթե ռետինե մահակներ օգտագործեն, որեւէ մեկը չկպնի այդ ոստիկանին: Յուրաքանչյուր մարդ, որը կկպնի ոստիկանին, նա սադրիչ է, ոստիկանները՝ նամանավանդ, շարքայինները մեր եղբայրներն են, մեր հարազատներն են, մեր ընկերներն են: Թույլ չտաք իշխանություններին իրենց սադրիչների միջոցով հրահրել ոստիկանություն-ժողովուրդ առճակատում»:
Արմեն Մարտիրոսյանը կոչ արեց ապօրինի հրամանները չկատարել. «Ձեր երդմանը համաձայն ծառայեք, դուք երդվել եք ծառայել ժողովրդին, ոչ երբեք չընտրված իշխանություններին, ոչ երբեք ձեր երեխաների ապագան վերցնող իշխանություններին»,- ասաց նա:
Քիչ առաջ Գարեգին Չուգասզյանը հանրահավաքի կարգադրիչներին ասաց ժողովրդին բաժանել անձրեւանոցներ:
Կարդացեք նաև
Ամի ՉԻՉԱԿՅԱՆ
