«Նոր Հայաստան» հանրային փրկության ճակատը դեկտեմբերի 1-ին Ազատության հրապարակում բողոքի ակցիա է կազմակերպել: Մինչ հանրահավաքի սկսելը՝ ոստիկանները բերման ենթարկեցին Գեւորգ Սաֆարյանին եւ մեկ այլ ցուցարարի:
Ցուցարարները` տեսնելով կատարվածը, մոտեցան ոստիկաններին եւ պահանջեցին բացատրել, թե ինչո՞ւ են բերման ենթարկում Գեւորգ Սաֆարյանին եւ ի՞նչ է կատարվում:
Լարված իրավիճակ սկսվեց ոստիկանների եւ ցուցարարների միջեւ:
Կարդացեք նաև
Վալերի Օսիպյանը եւ Գեւորգ Սաֆարյանն այժմ բաժնում են. Ազատության հրապարակ մտնելիս ոստիկանները նրա վրա տարօրինակ բան են նկատել, սակայն, նա ցույց չի տվել, թե դա ինչ է, իսկ Երեւանի ոստիկանապետ Աշոտ Կարապետյանը հայտարարեց` մոտ 30 րոպեից պարզ կլինի, թե դա ինչ էր:
Լարված իրավիճակը հանդարտվել է, քիչ առաջ «Ժառանգություն» կուսակցության վարչության փոխնախագահ Արմեն Մարտիրոսյանը հայտարարեց, որ կատարվածը չի խանգարելու հանրահավաքին. այն տեղի է ունենալու ինչպես ծրագրավորված է:
Մանրամասները` տեսանյութում
Ամի ՉԻՉԱԿՅԱՆ
