«Հիմնադիր խորհրդարան»-ի Գյումրու կառույցի ղեկավար Արամ Հակոբյանը (լուսանկարում) հենց նոր Aravot.am-ին տեղեկացրեց, որ միկրոավտոբուսի վարորդը, որը նախնական պայմանավորվածության համաձայն՝ ժամը 14.00-ին Գյումրիից Երեւան էր տեղափոխելու «Նոր Հայաստան» ճակատի բողոքի ակցիային մասնակցելու ցանկություն ունեցող քաղաքացիներին, իրենց՝ թվով 22 հոգու, թողել է Գյումրու կենտրոնում՝ Վարդանանց հրապարակում գտնող «Սուրբ Յոթ Վերք» եկեղեցու դիմաց՝ հրաժարվելով ու վախենալով նրանց տեղափոխել մայրաքաղաք:
Արամ Հակոբյանն այս պահին փորձում է այլ մեքենա փնտրել: «Վարորդը տարեց մարդ է: Նա պարտաճանաչորեն ճիշտ ժամին եկել էր, բայց գալն ու փախնելը մեկ եղավ, ասում է՝ ուզում ես Ռոստով քշեմ, ուզում ես Թբիլիսի ու Կրասնոդար քշեմ, բայց ոչ Երեւան, ցավդ տանեմ, ներող կլինես: Փաստորեն եկել, գտել են, թե ով է վարորդը ու ահաբեկել են խեղճ մարդուն»,-ասաց Արամ Հակոբյանը:
Նունե ԱՐԵՎՇԱՏՅԱՆ
«ահաբեկել» են…
կարգ մը բառերի իսկական իմաստը եթէ օր մը հասկանան ոմանք,
թերեւս կարելի կը դառնայ անոնց հետ խօսիլ