Սահմանադրական փոփոխությունների նախագծի քարոզչության շրջանակներում նոյեմբերի 26-ին Նոյեմբերյան քաղաք ժամանած ԱԺ պատգամավոր, ՀՀԿ անդամ Սամվել Ֆարմանյանից Նոյեմբերյան քաղաքի տարեցները ցանկանում էին տեղեկանալ, թե 1992-93 թթ. բազում զոհեր տված, ադրբեջանական դիրքերի ուղիղ նշանառության գոտում գտնվող Նոյեմբերյանը ինչո՞ւ սահմանամերձ համայնքի կարգավիճակ չունի, չի օգտվում արտոնություններից:
Նոյեմբերյանցի աշխատանքի վետերան Արտո Մամյանն ասաց, որ 400 հա կազմող Նոյեմբերյանի Գոգվելի հողատարածքը (սեփականաշնորհված հողամասեր), որը սահմանակից է Ադրբեջանին, տրվել է Բերդավան համայնքին:
Ս. Ֆարմանյանն ասաց, որ ինքը այդ ոլորտի մասնագետ չէ, սակայն տեղյակ է որ համայնքների վարչական սահմանների ճշգրտման, խոշորացման գործընթաց է եղել նաեւ հանրապետության այլ մարզերում:
Հավելենք, որ համայնքների վարչական տարածքների ճշգրտման գործընթացի արդյունքում Գոգվելի տեղամասը, որպես Նոյեմբերյանի վարչական տարածքի 2-րդ հատված, կառավարության որոշմամբ հանձնվել է Բերդավան համայնքին:
Կարդացեք նաև
Ոսկան ՍԱՐԳՍՅԱՆ
