Ադրբեջանի խորհրդարանական ընտրությունները եւս մեկ քայլ առաջ, արդար ու ժողովրդավարական էին եւ քվեարկությունների արդյունքները ցույց էին տալիս ադրբեջանցիների կամքը: Այս մասին նշված է, Ադրբեջանի ընտրությունները դիտարկած Եվրոպայի խորհրդի խորհրդարանական վեհաժողովի դիտորդական խմբի վերջնական զեկույցում:
«Ընտրությունների օրը հանգիստ եւ խաղաղ անցավ ամբողջ երկրում: Ընտրական օրենսգրքի ոչ մի խոշոր կամ համակարգային խախտում չենք գրանցել: Սակայն մի քանի տեղամասերում չնչին լցոնումներ են եղել, որոշ վայրերում էլ խմբակային քվեարկություն է նկատվել»,- ասվում է զեկույցում:
Ընտրություններից բացի, պատվիրակությունը ցավով նշել է, որ Ադրբեջանում մարդու իրավունքների ոլորտում դեռ լուրջ մտահոգություն կա, քանի որ մի շարք իրավապաշտպաններ եւ հասարակական կազմակերպությունների ներկայացուցիչները տարբեր պատժաչափերով ազատազրկված են:
Զեկույցում կոչ է արվում Ադրբեջանի իշխանություններին շտապ բարելավել իրավիճակը եւ ընտրություններից հետո շարունակել երկրի ժողովրդավարական զարգացումը:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
