Ադրբեջանը ցավում է, որ թուրք-ռուսական հարաբերություններն այդքան սրվել են՝ Twitter-ի իր էջում գրել է Ադրբեջանի նախագահ Իլհամ Ալիեւի ադմինիստրացիայի ղեկավարի տեղակալ, արտաքին կապերի բաժնի վարիչ Նովրուզ Մամեդովը: «Թուրքիան մեր մերձավոր դաշնակիցն է: Ռուսաստանը նույնպես մեզ բարեկամ երկիր է: Երկու պետություններն էլ պատմական կապեր ունեն Ադրբեջանի հետ: Թե՛ Թուրքիայի, թե՛ Ռուսաստանի հետ մեր հարաբերությունները գտնվում են բարձր մակարդակի վրա:
Ադրբեջանը շատ է ցանկանում, որ ընկերների միջեւ ոչ մի հակամարտություն չլինի, ու պատրաստ է իր ավանդն ունենալ լարվածության թուլացման հարցում»,- նշել է Ալիեւի ադմինիստրացիայի ղեկավարի տեղակալը: Իր հերթին Թուրքիայի ԱԳ նախարար Մեւլյութ Չավուշօղլուն, որը պաշտոնական այցով Բաքվում է, կարծիք է հայտնել, թե Թուրքիան ու Ռուսաստանը կարող են հաղթահարել իրենց հարաբերություններում առկա ճգնաժամը։
Թեմայի մանրամասները` տպագիր «Առավոտ»-ում
«Առավոտ» օրաթերթ
27.11..2015
