Թուրքիայի բարձրաստիճան ղեկավարների ներողությունները, վնասի փոխհատուցում եւ մեղավորների պատժում. հենց սրանք է Ռուսաստանը սպասում Թուրքիայից, որը նոյեմբերի 24-ին կործանել է Սիրիայում ռուսական ավիախմբի «Սու-24» ինքնաթիռը: Այս հայտարարությունն, ըստ «Ria»-ի, արել է Ռուսաստանի նախագահ Վլադիմիր Պուտինը:
«TASS»-ի փոխանցմամբ՝ արտասահմանյան պետությունների նոր դեսպանների կողմից հավատարմագրերը ստանալիս Պուտինը նաեւ նշել է. «Մենք բացարձակապես անընդունելի ենք համարում մեզ թիկունքից հասցված դավաճանական հարվածները նրանցից, որոնց մենք համարում էինք գործընկեր եւ դաշնակից ահաբեկչության դեմ պայքարում»:
Ռուսաստանի ղեկավարը նաեւ ընդգծել է, որ այն, ինչ տեղի ունեցել Սիրիայի երկնքում հակասում է առողջ դատողությանը եւ միջազգային իրավունքին. «Ինքնաթիռը կործանվել է Սիրիայի տարածքում»:
Պատրաստեց Աշոտ ԻՍՐԱԵԼՅԱՆԸ
