«Նոր Հայաստան» հանրային փրկության ճակատի քաղաքական խորհրդի անդամ Անդրիաս Ղուկասյանի համար անհասկանալի է, թե ինչու Ռուսաստանը դիվանագիտական հարաբերությունները չխզեց Թուրքիայի հետ ռուսական օդանավի կործանումից հետո:
Ըստ նրա՝ այս միջադեպով Օբաման ու Մերկելն առևտուր են անում: Aravot.am-ը պարոն Ղուկասյանին փոխանցեց «Նոր ժամանակներ» կուսակցության նախագահ Արամ Կարապետյանի այն պնդումը, թե դա ոչ թե Թուրքիայի, այլ Արևմուտքի ձեռքի գործն է, պարոն Ղուկասյանն արձագանքեց. «Դավութօղլուն անձամբ հայտարարել է, որ ինքն է տվել հրաման: Դա ամեն ինչի պատասխանը տալիս է»:
Դիտարկմանը՝ ի՞նչ ժեստ է Ռուսաստանի կողմից այն, որ երեկ տեղեկություններ տարածվեցին այն մասին, որ ՌԴ Պետդումայում մտադիր են քննարկման դնել Հայոց ցեղասպանության ժխտումը քրեականացնող օրենքի նախագիծ: Անդրիաս Ղուկասյանն արձագանքեց. «Ռուսական այս քայլն ամենից հետո, բնականաբար, թույլ գործողություն է և ավելի շատ փորձում է քողարկել այն գործողությունները, որը պիտի արվեին: Դիվանագիտական հարաբերությունները Թուրքիայի հետ պիտի խզվեին: Թե չէ դրա փոխարեն Հայոց ցեղասպանությունը քրեականացնող նախագիծ դնելը ածանցյալ գործողություններ էին»:
Տաթև ՀԱՐՈՒԹՅՈԻՆՅԱՆ
