Այսօր լրագրողների հետ զրույցում ՀԱԿ խմբակցության ղեկավար Լեւոն Զուրաբյանն անդրադարձավ ԱԱԾ-ի կողմից հանցավոր խմբակցության բացահայտման միջադեպին:
Նրա խոսքերով՝ «Անընդունելի է, երբ գնում է այն տեղեկությունը, որ վնասազերծված այդ խմբի անդամների մոտ հայտնաբերվել է ոչ-ի ինչ-որ պլակատ: Սա, կներեք, ախմախություն է, որովհետեւ շատ պարզունակ մի հնարք է, երբ փորձում են բացասական մի ազդակ կապել ոչ-ի կոմպանիայի հետ: Է հետո՞, կարող էր լինել Այո-ի պլակատ, բուկլետ: Կարող է այդ պահին նրան այո-ի բուկլետ էին հանձնել, եւ ի՞նչ, պիտի այդ ինֆորմացիան գնար եւ ասեին, որ սա ուրեմն իշխանությունների կողմից կազմակերպված հանցախո՞ւմբ է: Այն, որ իշխանությունները հրապարակում են նման տեղեկություն, ցույց է տալիս, որ նրանք այդ պահին լուծել են քարոզչական խնդիր: Արդեն լուրջ կասկած է հարուցում սա իրական մոտիվների նկատմամբ, սա շատ կեղտոտ հնարք է եւ օբյեկտիվության վերաբերյալ լուրջ կասկածներ կան: Հակառակ դեպքում դա չէին հրապարակի, ինչ մի փաստ է, որ»:
Նա նշեց, որ այդ ոչ-ի պլակատը ոչ մի կապ չունի որեւէ ոչ-ի ճակատի հետ, նրանց ոչ-ի մեջ չէ. «Մարդիկ սարքել են ինչ-որ ոչ, այդ փաստը պետք է ընդգծեի՞ն, ակնհայտ է ինչի համար են արել, ուզում են կեղտոտ հնարքով հավասարություն դնեն ահաբեկչության,կեղտոտ երեւույթի եւ ոչ-ի քարոզարշավի միջեւ»:
Ըստ Լեւոն Զուրաբյանի, իրենք ԱԱԾ-ին կասեին՝ փառք ու պատիվ ձեզ, եթե չլիներ այս հանգամանքը. «Մենք գործ ունենք շատ կեղտոտ քարոզչական հնարքի հետ: Անկախ նրանից՝ այդ խումբը ինչ է պլանավորել, նման քարոզչական հնարքը անվստահություն է առաջացնում»:
Կարդացեք նաև
Հռիփսիմե ՋԵԲԵՋՅԱՆ
