Ռուսաստանը Թուրքիայի վրա ազդելու լուրջ լծակներ ունի՝ ոչնչացված օդանավի պատասխանը տալու դիմաց, «Ամերիկայի Ձայնի» հայկական ծառայությանը պատմել է Ամերիկյան արտաքին քաղաքականության խորհրդի ավագ վերլուծաբան Սթիվեն Բլանկը.
«Թուրքիան իր բնական գազի 65-70 տոկոսը ստանում է Ռուսաստանից, սա մի լծակ է, որը կարող է կիրառվել անմիջապես»:
Դրանից բացի, Բլանքի խոսքով, գոյություն ունի Թուրքիայի տարածքով Եվրոպա ռուսական բնական գազ տեղափոխելու նախագիծը, որը կարող է վերանայվել, իսկ Թուրքիայի զինվորականները կարող են խնդիրներ ունենալ Սիրիայի տարածքում եւ սեւծովյան տարածաշրջանում.
«Չեմ կարծում, որ այս միջադեպը փոխի խաղի կանոնները, սակայն սա ռուս-թուրքական հարաբերությունների շարունակական վատթարացման եւս մի նշան է»:
Կարդացեք նաև
Վերլուծաբանի խոսքով, Հայաստանի կամ Հարավային Կովկասի այլ երկրների համար այս միջադեպը ուղղակի բացասական հետեւանքներ չի ունենա:
Նյութի մանրամասները կարդացեք «Ամերիկայի Ձայն»-ի կայքում
