Ռուսական ռազմական ինքնաթիռի հետ կապված միջադեպը կարող է բարդացնել Սիրիայում ահաբեկչության դեմ պայքարը: Այս հայտարարությունն, ըստ «Ria»-ի, Ժնեւում արել է ՄԱԿ-ի պաշտոնական ներկայացուցիչ Ահմադ Ֆաուզին:
Հիշեցնենք, որ այսօր Թուրքիան կործանել է Սիրիայում ռուսական ավիախմբին պատկանող «Սու-24» ինքնաթիռը:
ՄԱԿ-ի ներկայացուցիչը, մասնավորապես, ասել է. «Ես տեղյակ եմ, որ ռուսական ինքնաթիռը, որը, ինչպես հաղորդում են ԶԼՄ-ները, կործանել է Թուրքիան, կարող է բարդացնել իրավիճակը»:
Նա հիշեցրել է, որ ՄԱԿ-ը բանաձեւ է ընդունել ահաբեկչության դեմ պայքարի մասին, սակայն այդ պայքարը պետք է իրականացվի պահպանելով մարդու բոլոր իրավունքները եւ հիմնված լինի մարդու իրավունքների պաշտպանության օրենքների վրա:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
