Այսօր ԱԺ արտահերթ նիստի ընթացքում ՀԱԿ խմբակցության պատգամավոր Հրանտ Բագրատյանը եւ Ազգային վիճծառայության պետ Ստեփան Մնացականյանը սկսեցին իրար հետ հաշիվներ մաքրել:
Հրանտ Բագրատյանը ստախոս էր անվանել Ստեփան Մնացականյանին, որը, ըստ նրա, կեղծ թվեր է ներկայացնում:
Ստեփան Մնացականյանն իր ելույթում պատասխանեց նրան. «Դուք բյուջեի քննարկման ժամանակ մի քանի օր առաջ նույն ձեւ մատ տնկեցիք եւ ասացիք, որ Վիճվարչության պետին ինչքան ուզում եք ասել, որ աշխատավարձի մեջ չի կարելի մտցնել կուտակայինի գումարը, նա անընդհատ հայտարարում է, որ լավ եմ անում, մտցնում եմ: 2014-ի հունվարի 1-ից ուժի մեջ է մտել Կուտակային կենսաթոշակի մասին օրենքը: Նա ասաց, որ սրա վերաբերյալ բացատրություններ է տվել, բայց Բագրատյանը չի ընդունել այդ բացատրությունները»:
Ըստ ԱՎԾ պետի, Բագրատյանը զանգել է իրեն եւ հեռախոսով ասել, որ գործատուի ծախսերն իրավունք չունեն մտցնել աշխատավարձի մեջ, բայց կառավարության սուբսիդիան պետք է մտնի»:
Կարդացեք նաև
Հրանտ Բագրատյանը տեղից սկսեց բղավել. «Ցո՛ւյց տվեք, որ ես այդպիսի բան եմ ասել, սո՛ւտ է ասում»:
Ստեփան Մնացականյանը սկսեց հեգնել, թե Բագրատյանը հայտարարում է՝ անասնակերը սնունդ է. «Նորմալ բա՞ն եք հայտարարում»:
Բագրատյանը հաշիվներ էր փորձում պարզել, Գալուստ Սահակյանը միջամտեց. «Պարոն Բագրատյան, մենք գյուղամեջում չենք, համբերե՛ք»:
Ստեփան Մնացականյանի խոսքերով՝ «Պարոն Բագրատյան, ասում եք, թե գյուղապետերը թիվ են նկարում,մ, տալիս են մեզ, ասում ենք՝ տվեք անուն, դուք ոչ մի բան չնշեցիք: Դուք կասկածի տակ եք դնում ռեսպոնդենտին, բոլորին մենք չենք կարող հանցագործ համարել»:
Մինչ հաշիվներ էին պարզում, Ստեփան Մնացականյանի ելույթի ժամանակն ավարտվեց:
Հրանտ Բագրատյանը բորբոքված գոռում էր՝ անունս տվել ա, պիտի արձագանքեմ,, միացրե՛ք խոսափողը: Նա Ստեփան Մնացականյանից ապացույց էր պահանջում, որ ինքը հեռախոսով նման բան է ասել. «Եթե այդպիսի թուղթ կա՝ ես ԱԺ-ից ներողություն կխնդրեմ»:
Գալուստ Սահակյանը անջատել տվեց Բագրատյանի խոսափողը՝ ասելով, որ ռազբորկայի վերածվեց:
Հռիփսիմե ՋԵԲԵՋՅԱՆ
