«Ալյանս» կուսակցության նախագահ Տիգրան Ուրիխանյանի համոզմամբ՝ Հայաստանում նման սոցիալ-տնտեսական ծանր իրավիճակում ոչ թե Սահմանադրությունն էր պետք փոխել, այլ արմատական փոփոխություններ էր պետք անել:
«Երկրում առկա է անարդյունավետ կառավարում, ինչի դեպքում միլիոնի հասնող աղքատություն, 18,6 տոկոս գործազրկություն, արտագաղթի աճող տեմպեր… սահմանադրական փոփոխություններին հակադրում եմ սոցիալական ծանր իրավիճակում անհրաժեշտ ռադիկալ փոփոխությունները: Ժամանակն էր ոչ թե սահմանադրական փոփոխություններ անել, արմատական փոփոխություններ»,- այսօր «Անդրադարձ» ակումբում ասաց կուսակցության նախագահ, ԱԺ պատգամավոր Տիգրան Ուրիխանյանը:
Նրա խոսքով, Հայաստանի միլիոնավոր աղքատները սահմանադրական փոփոխությունների «ոչ»-ի կողմնակիցն են, ոչ թե որովհետեւ փաստաթղթի բովանդակությանն են դեմ, այլ որովհետեւ արդեն իսկ գործող Սահմանադրությունը չի գործում: Նրանք չեն կարողանում իրագործել սոցիալական ու տարրական իրավական, քաղաքական եւ մյուս բոլոր իրավունքները:
Պատգամավորի խոսքով, գործող Սահմանադրությունը չի արգելում, որ հանցագործներին բարձրաստիճան պաշտոնների չնշանակեն, մենաշնորհները վերացնեն. «Անհրաժեշտ է մասնակցել ու համապատասխան դիրքորոշում հայտնել: Ոչ-ը պետք է արտահայտվի: Այս գործընթացը սկիզբ է դնելու ՀՀ իրական ընդդիմադիր եւ ինքնաբուխ կազմավորված ու վերահսկվող ընդդիմադիր շարժման, միավորման, ուժի»:
Կարդացեք նաև
Արփինե ՍԻՄՈՆՅԱՆ
