Ազգային վիճակագրության պետ Ստեփան Մնացականյանը ԱԺ-ում պատասխանեց այն բոլոր քննադատություններին, որոնք հնչեցին իր հասցեին՝ վիճծառայության 2016-2018 թթ. եռամյա ծրագրի քննարկման ժամանակ:
Հնչեցին տեսակետներ, որ աղքատությունը չափելիս ազգային առանձնահատկությունը հաշվի չեն առնում: Նման տեսակետ էին հայտնել Նաիրա Զոհրաբյանը, Մհեր Շահգելդյանը:
Ստեփան Մնացականյանն ասաց, որ մենք չափում ենք՝ ըստ սպառման ագրեգատի, ոչ թե ըստ եկամուտի, ինչպես աշխարհում. «Աշխարհը շատ արագ է փոխվում: Մտածելակերպն էլ այնպիսի արագությամբ է փոխվում, որ հնարավոր չէ դրա հետեւից հասցնել: Եթե 80-ականներին Փարիզում նորաձեւ հագուստը ներկայացվում էր դեֆիլեի, մինչեւ համաշխարհային ճանաչում էր ունենում, անցնում էր բավականին ժամանակ, իսկ ներկայումս երկրագունդը չի հասցնում իր առանցքի շուրջը մեկ պտույտ կատարել՝ դեֆիլեից հետո, այդ իսկ պատճառով կայուն մոդա գոյություն չունի: Կյանքը արագ է փոխվում: Եթե Հովհաննես Պողոս Երկրորդի ժամանակ Սուրբ Պետրոս եկեղեցում կատարված նկարի ժամանակ բոլոր մարդկանց ձեռքում մոմեր էին, ապա Ֆրանցիսկոս պապի ընտրության ժամանակ բոլորի ձեռքում բջջային հեռախոսներ էին, կյանքը շատ արագ է փոխվում»:
Ստեփան Մնացականյանը ներողություն խնդրեց՝ իր այսպիսի պատկերավոր այլաբանության համար եւ արդարացավ, թե ինչու է կյանքը իրականում վատանում, բայց աղքատության ցուցիչները բարելավվում են:
Կարդացեք նաև
Ըստ ԱՎԾ պետի, ամեն մարդ ունի իր ճիշտը եւ իր համար ռեալ իրականությունը դա է:
Հռիփսիմե ՋԵԲԵՋՅԱՆ
