2013 թվականին Սուրիկ Խաչատրյանի առանձնատան մոտ հնչած կրակոցների գործով ամբաստանյալ Արտակ Բուդաղյանի փաստաբան Հայկ Ալումյանը հակված չէ չհավատալ Վերաքննիչ դատարանի նախագահող դատավոր Պապոյանի ասածներին:
Հիշեցնենք, որ Արտակ Բուդաղյանի բողոքի վերաբերյալ որոշումը չհրապարակվեց եւ բողոքի քննությունը վերսկսվեց դատավորներից մեկի վատառողջ լինելու պատճառով:
«Խնդիր չունեմ նախագահող դատավոր պարոն Պապոյանի ասածները կասկածի տակ դնելու, իմաստը չեմ տեսնում, ինչու արհեստականորեն պետք է ձգձգվեր, ամեն ինչ արդեն ասվել է, ոչինչ չէր մնում դատական ակտը կայացնելու համար: Մնում է ենթադրել, որ հենց այդպես էլ կա՝ դատավորը հիվանդ է, հաշվի առնելով, որ շատ առիթներ եմ ունեցել համոզվելու, որ տվյալ դատավորի ասածները սովորաբար համընկնում են իրականությանը»,- ասաց փաստաբան Հայկ Ալումյանը:
Հիշեցնենք, որ Սյունիքի մարզի ընդհանուր իրավասության դատարանի վճռով՝ Արտակ Բեդաղյանը մեղավոր էր ճանաչվել առաջադրված մեղադրանքում, նրա նկատմամբ որպես պատիժ էր նշանակվել 120.000 դրամի չափով տուգանք, բայց դատարանի մեկ այլ որոշմամբ Արտակ Բուդաղյանը համաներմամբ ազատվել էր նշանակված պատիժը կրելուց:
Կարդացեք նաև
Վերաքննիչ դատարանից Հայկ Ալումյանը պահանջում է բեկանել ընդհանուր իրավասության դատարանի դատավճիռը և արդարացնել Արտակ Բուդաղյանին
Այս գործով ինչ ակնկալիքներ ունի վերաքննիչ դատարանից հարցին Հայկ Ալումյանն ասաց. «Վերաքննիչ դատարանի լիազորությունների շրջանակում գտնվող ցանկացած դատ, հաշվի առնելով Սուրիկ Խաչատրյանի առավելությունները, չեմ բացառում ցանկացած դատական ակտ: Բայց ի սկզբանե Արտակ Բուդաղյանի նկատմամբ արդարացման դատավճիռ պետք կայացվեր»:
Արփինե ՍԻՄՈՆՅԱՆ
