Եվրասիական տնտեսական հանձնաժողովի աշխատանքային խումբը նախագիծ է մշակել, որով իջեցվում է անմաքս առցանց առեւտրի շեմը։ Նախաստեսվում է ներկայիս 1000 եվրոյի փոխարեն դարձնել 150 եվրո։ «Ведомости»-ին հայտնի է դարձել, որ հանձաժողովում այս հարցը քննարկվելու է Եվրասիական տնտեսական միության անդամ երկրների փոխվարչապետների մակարդակով։
Հանձնաժողովն առաջարկում է փոխել արտասահմանից առցանց առեւտուր կատարելու օրենքները։ Մշակված նախագծով անմաքս առեւտուր կարող է իրականացվել, եթե ապրանքի արժեքը չի գերազանցում 150 եվրոն, իսկ քաշը՝ 10 կիլոգրամը։
Սակայն այս չափանիշներին համապատասխան ապրանքների առեւտրի համար հանձնաժողովն առաջարկում է 25 եվրո ֆիքսված վճարում սահմանել։ Իսկ եթե ապրանքի արժեքը գերազանցում է վերոնշյալ գումարը կամ քաշը, գնորդը պետք է վճարի եւ ֆիքսված գումարը եւ մաքսատուրքերը։
Կայքը տեղեկացրել է, որ աշխատանքային խմբի ղազախստանցի եւ բելառուս անդամներն, ընդհանուր առմամբ, դրական են արտահայտվել առաջարկի առնչությամբ, իսկ Հայաստանը դեռ չի ներկայացրել իր դիրքորոշումը։
Կարդացեք նաև
Պատրաստեց Աշոտ ԻՍՐԱԵԼՅԱՆԸ
