«Միայն «այո» ասելը ոչինչ չի փոխի»,- նոյեմբերի 21-ին Ջերմուկ քաղաքի բնակիչների հետ հանդիպման ընթացքում ասաց տնտեսագետ Սուրեն Պարսյանը:
Ըստ նրա, պետք է «այո» ասել եւ հետամուտ լինել, որ սահմանադրական փոփոխությունները ի կատար ածվեն: Նա նշեց, որ մոդելը վերցված է Իսրայելի օրինակից, որը արդարացված է. «Ուզում եմ «Այո» քվեարկողները պահանջեն «այո» քարոզիչներից արդյունքները եւ չլինի, որ արդյունքները չկատարվեն: Ես ուզում եմ այս համակարգը փոխվի, իսկ այս համակարգով ով էլ գա, նույնը կլինի: Սրտանց գնանք «այո»-ի»:
Քննարկմանը ներկա քաղաքացիներից մեկը` Զենֆիրա Սարգսյանը, հայտարարեց, որ «այո» է քվեարկելու սահմանադրական փոփոխությունների կարիքին եւ կարծում է կարիք կա. «Բարեփոխումների անհրաժեշտությունը կյանքն է բերել, սահմանադրական փոփոխությունները փորձաքննության են անցել, անցել են փորձագետների ձեռքի տակով: Կարծում եմ՝ այս պահի դրությամբ բարեփոխումներն արվել են, եւ արվել են համաժողովրդական ցանկության արդյունքում: Բոլորը համոզվել են, որ այսպես հնարավոր չէ, «ոչ»-ի կողմնակիցներն էլ են կողմ փոփոխություններին: Ես գտնում եմ պետք է «այո» ասել մեր պետության համար կարեւոր փաստաթղթին եւ աշխատենք յուրաքանչյուրս մեր տեղում ճիշտ լինենք»:
Կարդացեք նաև
Ամի ՉԻՉԱԿՅԱՆ
