Կենտրոնական ընտրական հանձնաժողովն այսօրվա նիստում փոփոխություններ կատարելով իր ավելի վաղ ընդունված որոշման մեջ՝ հաստատեց, որ դեկտեմբերի վեցին սահմանադրական փոփոխությունների քվեարկության արդյունքների արձանագրություններում և արձանագրությունների քաղվածքներում նշվելու է նաև նույնականացման քարտով քվեարկության մասնակիցների թիվը:
ՀՀ կենտրոնական ընտրական հանձնաժողովը, ուսումնասիրեց նաեւ «Լոռեցիների միավորում» բարեգործական հասարակական կազմակերպության դիտորդների հավատարմագրման մասին դիմումն ու մերժեց՝ հիմնավորելով, որ կազմակերպության կանոնադրական խնդիրները չեն ներառում ժողովրդավարության և մարդու իրավունքների պաշտպանության հարցեր:
Հանձնաժողովականները քննարկեցին նաեւ «Ժողովրդավարական Արարատ» հասարակական կազմակերպության դիմումը եւ որոշեց դիմումով վարչական վարույթը կարճել, քանի որ նիստի ընթացքում կազմակերպության ներկայացուցիչները հրաժարվեցին իրենց դիմումից:
Արփինե ՍԻՄՈՆՅԱՆ
Կարդացեք նաև
