Դժվար է ասել, թե ինչ սկզբունքով են պետական կառավարման մարմիններին հատկացվում ծառայողական մեքենաները, սակայն փաստ է, որ դրանց քանակը գերատեսչություններում խիստ տարբեր է։
Կան պետական կառավարման մարմիններ, որոնց աշխատակազմերում ծառայողական մեքենաների թիվը, կարելի է ասել, լիովին տեղավորվում է տրամաբանության սահմաններում։ Սակայն այդպիսիներն այնքան էլ շատ չեն։
Գործադիր իշխանության կազմում ընդգրկված 17 նախարարությունների աշխատակազմերին սպասարկող ծառայողական մեքենաների թիվը հասնում է 349-ի։ Դրանք տարբեր են բաշխված նախարարությունների միջեւ։
Ամենաքիչ ծառայողական մեքենաներն ունի նորաստեղծ միջազգային տնտեսական ինտեգրացման եւ բարեփոխումների նախարարությունը։ Ինչպես այս, այնպես էլ հաջորդ տարվա ընթացքում նշված գերատեսչության պաշտոնյաներին կսպասարկի ընդամենը 4 ծառայողական մեքենա։ Եթե հաշվի առնենք, որ դրանցից մեկը նախատեսված է նախարարի, իսկ մյուս երեքը՝ նախարարության աշխատակազմի այլ պաշտոնյաների համար, ապա միանգամայն նորմալ է։
Կարդացեք նաև
Ընդամենը 5 տրանսպորտային միջոց է հաշվառված սփյուռքի նախարարության աշխատակազմում։ Հաջորդ տարի նախատեսվում է մեքենաների թիվը համալրել եւս մեկով։
Որպես այդպիսին, ոչ շատ տրանսպորտային պարկ ունեցող պետական կառավարման մարմիններից են նաեւ մշակույթի, կրթության եւ գիտության նախարարությունները։ Առաջինում ծառայողական մեքենաների թիվը 7-ն է, երկրորդում՝ 8-ը։ Ընդ որում՝ թե՛ մեկում, թե՛ մյուսում հաջորդ տարվա պետական բյուջեի նախագծով համալրումներ չեն սպասվում։
Փոխարենը այդպիսի ակնկալիք ունի արդարադատության նախարարությունը, որի աշխատակազմին այժմ սպասարկում է 11 ավտոմեքենա։ Հաջորդ տարի նախատեսվում է ավելացնել եւս 2-ը։
Ոչ շատ մեծ ավտոպարկ ունեն նաեւ տրանսպորտի եւ կապի, ինչպես նաեւ էներգետիկայի եւ բնական պաշարների նախարարությունների աշխատակազմերը. եթե առաջինում մեքենաների թիվը հասնում է 13-ի, ապա երկրորդում՝ 14-ի։
Հ. ՍԱՀԱԿՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
