Հանրապետության երկրորդ նախագահ Ռոբերտ Քոչարյանի երեկ հրապարակված հարցազրույցին ի պատասխան, որում Քոչարյանը կրկին իր անհամաձայնությունն էր հայտնել սահմանադրական փոփոխություններին, ՀՀԿ-ականների խոսքում «կարմիր թելի» նման անցնում է այն, որ Ռոբերտ Քոչարյանը մեղմացրել էր իր խոսքի տոնայնությունը:
Քոչարյանը նոյեմբերի 14-ին հարցազրույց էր տվել գերմանական «Դոյչե Վելլե» հեղինակավոր հեռուստաընկերությանը, որի որոշակի մանրամասներ երեկ հրապարակել էր Ռոբերտ Քոչարյանի ոչ պաշտոնական կայքը: Երկրորդ նախագահը կրկին իր անհամաձայնությունն էր հայտնել սահմանադրական փոփոխություններին՝ ասելով, որ իր տպավորությամբ ստեղծվում է միակուսակցական համակարգ և «ղեկավարող, առաջնորդող» նոր ուժ ձևավորելու մտադրություն կա:
ՀՀԿ-ականներն, ինչպես և սպասվում էր, իրենց անհամաձայնությունն են հայտնել Քոչարյանի հետ: Ե՛վ ՀՀԿ ԱԺ խմբակցության ղեկավարը, և՛ ՀՀԿ խոսնակը հայտարարելով, որ Քոչարյանը սխալվում է, ըստ էության արձանագրել են մի բան, որ նրա տոնայնությունը փոխվել է՝ ի տարբերություն նախորդ հարցազրույցի: Նախորդ հարցազրույցը, որն, այսպես ասած, միհարցանի էր և վերաբերում էր զուտ սահմանադրական փոփոխություններին, Քոչարյանն ունեցել էր հոկտեմբեր ամսին:
Փոխվել է նրա տոնայնությունը, թե ոչ՝ երևի այս պարագայում կարևոր չէ, կարևոր է ՀՀԿ-ականների գնահատականը, որ փոխվել է: Սրանով ՀՀԿ-ն ակնհայտորեն փորձում է ցույց տալ կամ ակնարկել, որ Ռոբերտ Քոչարյանը զիջել է դիրքերը նախորդ հարցազրույցի համեմատ: Թե ինչի արդյունքում է զիջել, այնքան էլ պարզ չէ, համենայնդեպս ՀՀԿ-ականների ակնարկները երևի թե ենթադրում են, որ Քոչարյանը զիջել է Սերժ Սարգսյանին:
Կարդացեք նաև
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
