Նախօրեին տեղացած անձրևի ժամանակ մայրաքաղաքի Թումանյան-Կողբացի փողոցների խաչմերուկում ջրերի կուտակվելու մասին զանգվածային որոշ լրատվամիջոցներով տարածված տեղեկատվության առնչությամբ Երևանի քաղաքապետարանի աշխատակազմի կոմունալ տնտեսության վարչությունը տեղեկացնում է, որ ջրերի ժամանակավոր կուտակումը մայրաքաղաքի նշված հատվածում ամենևին կապ չունի անձրևատար համակարգի խցանման կամ վատ գործելու հետ: Ջրերի կարճ ժամանակով կուտակում տեղի է ունեցել կոյուղատար համակարգում տեղի ունեցած վթարի հետևանքով, ինչը, «Երևանջուր» ՓԲԸ օպերատիվ արձագանքման արդյունքում արագ վերացվել է: Ինչ վերաբերում է անձրևատար համակարգին, ապա այն եղել է մաքուր վիճակում և գործել է անխափան:
Երևանի քաղաքապետարանի տեղեկատվության
և հասարակայնության հետ կապերի վարչություն
