ԱԺ-ում 2016-ի պետական բյուջեի քննարկումներն են:
ՕԵԿ պատգամավոր Հովհաննես Մարգարյանն իր ելույթում դժգոհեց, որ ընդդիմության, հատկապես ՕԵԿ-ի նախագծերը չեն մտնում լիագումար նիստ: Միայն վերջերս է Գալուստ Սահակյանը ստորագրել իրենց նախագծերից մեկը. «Պարոն Սահակյան, կարծում եմ ժամանակը եկել է արդեն, դուք ունեք ձեր ձեռքի տակ չագուչ՝ մուրճ, վերջապես հերիք է, խփեք էդ չագուչը սեղանին: Մեր նախագծերը պետք է մտնեն լիագումար նիստ, կանաչ ճանապարհ տանք»:
Գալուստ Սահակյանն էլ, առիթը բաց չթողնելով՝ ԱԺ ամբիոնից սկսեց քարոզել Սահմանադրությունը՝ ասելով, որ բարեփոխված Սահմանադրության դեպքում նաեւ ԱԺ նախագահի մուրճն է փոխվում. «Բարեփոխված Սահմանադրությունը ենթադրում է այն, ինչ ներկայացրեց պարոն Մարգարյանը: Իսկ այսօր ցանկացած նախագիծ, ըստ կանոնակարգ օրենքի, կարող է քննարկվել հրատապ կարգով: Չկա որեւէ արգելք, որ չքննարկվի»:
ՀԱԿ խմբակցության պատգամավոր Հրանտ Բագրատյանը, որը մոտեցել էր ամբիոնին՝ հակադարձեց Գալուստ Սահակյանին՝ ասելով, որ Սահմանադրական փոփոխությունների նախագծում նման բան չկա: Առաջարկված նախագիծն էլ պառլամենտական չէ:
Կարդացեք նաև
Հռիփսիմե ՋԵԲԵՋՅԱՆ
