Այսօր ԱԺ-ում քվեարկության դրվեց «Ժառանգություն» խմբակցության պատգամավոր Թեւան Պողոսյանի՝ երեկ արտահերթ կարգով քննարկված նախագիծը ԱԺ կանոնակարգ օրենքում փոփոխություններ եւ լրացումներ կատարելու մասին:
Հիշեցնեք, որ Թեւան Պողոսյանն առաջարկում է սահմանափակել գրավոր հարցերի թիվը կառավարության հետ հարցուպատասխանի ժամանակ:
Նախագծով նաեւ առաջարկվում է սահմանափակել հարց տալու եւ պատասխանի տեւողությունը՝ 2-ական րոպե, իսկ արձագանքների համար՝ 1-ական րոպե, ինչը կնպաստի, որ ավելի շատ հարցեր հնչեցվեն: Իսկ գրավոր հարցերը թողնել 2-ը:
Պետաիրավական հարցերի հանձնաժողովի նախագահ, ՀՀԿ պատգամավոր Հովհաննես Սահակյանն ասաց, որ իրենք քննարկել են եւ որոշել, որ առաջին ընթերցմամբ կողմ կքվեարկեն նախագծին, հետագայում քննարկումները կշարունակեն:
Կարդացեք նաև
Քվեարկության ժամանակ ձեռնպահ քվեարկեց ՕԵԿ-ը, ՀԱԿ-ը՝ դեմ: 97 կողմ, 3 դեմ, 4 ձեռնպահ ձայների հարաբերակցությամբ որոշումն ընդունվեց:
Հռիփսիմե ՋԵԲԵՋՅԱՆ
