ՀԱԿ խմբակցության ղեկավար, «ՈՉ»-ի շտաբի պետ Լեւոն Զուրաբյանը երեկ մերժեց «Այո եւ ոչ»-ի ռեալիթի շոուի մտահղացման հեղինակ եւ իրականացնող Կարեն Քոչարյանի հրապարակային առաջարկը՝ Այո-ի շտաբի պետ ՀՀ վարչապետ Հովիկ Աբրահամյանի 18 րոպե եթերում հայտնվելու դիմաց մեկ ժամանոց եթեր տրամադրել ՈՉ-ի շտաբի պետ Լեւոն Զուրաբյանին։
«ՉԻ»-ի հետ զրույցում Զուրաբյանը նկատեց, որ ոչ-ականների քննադատության թիրախը ոչ թե շոուի ստեղծագործական կոլեկտիվն է, այլ Ոչ-ի շտաբի պետ ՀՀ վարչապետ Հովիկ Աբրահամյանն է։ Վերջինս, ըստ Զուրաբյանի, խախտել է քարոզչության հավասարության պայմանները, ավելին՝ ադմինիստրատիվ ռեսուրսն օգտագործել է քարոզչական նպատակներով։ Ասվածի ապացույցն այն է, որ Հովիկ Աբրահամյանը, հայտնվելով այդ շոուում, հայտարարել է, թե ինքը մասնակցում է շոուին ոչ թե որպես քարոզիչ, այլ որպես վարչապետ, ով եկել է լուծելու սոցիալական խնդիրներ։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
