Անշուշտ, բոլորս էլ լսել կամ ականատես ենք եղել, երբ ինչ-որ մեկի մազերից ծամոն է կպել, եւ դրա պատճառով ստիպված են եղել կտրել մազերը:
Health Expert Group.com-ը խորհուրդ է տալիս նախքան մկրատի օգնությանը դիմելը փորձել այս արդյունավետ միջոցը:
Բուսական յուղերը, հատկապես՝ ձիթապտղի յուղը, այս պարագայում անփոխարինելի են, որոնք լայնորեն օգտագործվում են շամպունների արտադրության մեջ: Յուղը չեզոքացնում է ծամոնի մածուցիկությունը: Եթե չունեք բուսական յուղ, ապա կարող եք օգտագործել կարագ կամ մարգարին: Ծամոնը հեռացնելու գործում անհրաժեշտ է նաեւ հին սրբիչ եւ ատամի խոզանակ:
Առատորեն թրջեք ծամոնը բուսական յուղով կամ կարագով եւ թողեք մի քանի րոպե: Ապա մեղմորեն տրորեք մատներով, որից հետո՝ ատամի խոզանակով: Յուղը ներծծվում է ծամոնի մեջ, այն փափկում է եւ պակաս կպչուն դառնում: Այնուհետեւ հաջորդաբար ատամի խոզանակով եւ սրբիչով կամաց-կամաց դուրս քաշեք ծամոնը մազերից:
Կարդացեք նաև
Ծամոնը հեռացնելուց հետո լվացեք մազերը ձեր սիրելի շամպունով:
Պատրաստեց ՆՈՒՆԵ ՂԱԶԱՐՅԱՆԸ
«Առավոտ» օրաթերթ
17.11..2015
