Ռուսաստանի Հանրային հեռուստաըներության պատմական հաղորդումների ղեկավար, Հեռուստատեսության և ռադիոյի միջազգային ակադմեիայի ղեկավար Լեոնիդ Մլեչինը «Եվրասիական ինտեգրացիան եւ տեղեկատվական տարածքը» խորագրով կլոր սեղանին ընդառաջ հրավիրված ասուլիսին մտահոգություն հայտնեց, թե լինելով բարեկամ երկիր՝ իրենք շատ քիչ բան գիտեն հայաստանյան իրականության մասին:
Նա տեղեկացրեց, որ իրենք պատրաստ են ամեն ինչով աջակցել հայաստանյան գործընկերներին և սկսնակ լրագրողներին. «Մենք գործ ունենք բարեկամ երկրի հետ, որի մասին իրականում քիչ պատկերացում ունենք, դա էլ պատճառն էր հունիսյան իրադարձությունների: Մեր լրատվամիջոցները քիչ պատկերացում ունեին, թե ինչ է իրականում կատարվում ձեր երկրում»:
Պարոն Մլեչինն ասաց, որ իրենք հանդիպումներ են ունեցել ՀՀ պետական բուհերում, պայմանավորվածություններ ձեռք բերել: Պատրաստ են աջակցել դասագրքերով, ուղարկել փորձագետներ, որոնք ուղանողներին կսովորեցնեն ինչպես վարել թոք շոու, ինչպես դառնալ հեռուստամեկնաբան և այլն: Կրկին բարձրացվեց ռուսերենի իմացության հարցը: Լեոնիդ Մլեչինը հայտնեց, թե պետք է հայ լրագրողների շրջանում անցկացնել ռուսերենի դասընթացներ, հատկապես ռուսալեզու լրատվամիջոցների համար աշխատող: Պարոն Մլեչինի ասածը մեղմելու համար «Ռոսիա 1» հեռուստաընկերության հատուկ թղթակից Ալեքսանդր Սլադկովը պարզաբանեց. «Խոսքը մասնագիտական՝ լրագրողական ռուսերենի մասին է: Մեզ մոտ էլ լրագրողներ կան, որոնք ծնված օրվանից խոսում են ռուսերեն, սակայն չեն տիրապետում մասնագիտական բառապաշարին»:
Տաթև ՀԱՐՈՒԹՅՈՒՆՅԱՆ
Կարդացեք նաև
Փաստորեն, եթե ռուսները իրենց բարեկամ երկրի մասին գրեթե ոչինչ չգիտեն, մեղավոր են ոչ թե իրենք, այլ այդ երկրի լրագրողները:
Ռուսերը գիտեն որ ես ալ դժգոհ եմ իրենց հայերէն չիմանալուց։