Անընդունելի ու անթույլատրելի ենք համարում քաղաքական նպատակներ ունեցող որեւէ կազմակերպության կոչը` չմասնակցելու կարեւորագույն ծրագրերի իրականացմանն ուղղված համահայկական դրամահավաքին:
Ծանոթանալով կոչի տեքստին, մտքիս մի հարց է գալիս` եւ ի՞նչ: Այսինքն այդ կազմակերպությունը դիմում է ողջ հայությանը` խնդրելով, որ Արցախում 5 եւ ավելի երեխա ունեցող ընտանիքները շարունակեն ապրել կենցաղային ծանր պայմաններում:
Մենք բարձր ենք գնահատում յուրաքանչյուր անձի եւ կազմակերպության խոսքի ազատության իրավունքը, սակայն չենք կարծում, որ այդ իրավունքը կիրառելիս պետք է հիմքում դնել ուրիշին վնասելու գաղափարը, մանավանդ որ նպատակին չի հասնելու: Օգտվելով ընձեռված հնարավորությունից` եւ որպես հայ, եւ որպես «Հայաստան» համահայկական հիմնադրամի գործադիր տնօրեն, դիմում եմ բոլոր իրենց հայ համարող մարդկանց` մի կողմ դրեք ձեր կուսակցական, եկեղեցական եւ այլ պատկանելիությունները եւ մասնակից դարձեք «Հայաստան» հիմնադրամի հեռուստամարաթոնին:
Լիահույս ենք, որ կրկին բոլորս միասին կկարողանանք կյանքի կոչել հայրենիքի բարօրությանն ուղղված մեր ծրագրերը:
Արա Վարդանյան
«Հայաստան» համահայկական հիմնադրամի
գործադիր տնօրեն
Что за бред, почему именно для арцаха а не и для Армении тоже что в Армении дети не дети
Это как то не по нормальному