«Ցանկացած մարդ գլուխը պատին է տվել, երեսն էլ քարին, եթե ՕԵԿ-ի համար նման հայտարարություն անի, ով ուզում է լինի»,-լրագրողների հետ զրույցում այսօր հայտարարեց ՕԵԿ խմբակցության պատգամավոր Հովհաննես Մարգարյանը:
Լրագրողներից մեկը հետաքրքրվեց` ՕԵԿ-ում ինչպե՞ս են պատկերացնում համագործակցությունը ՀԱԿ-ի հետ, որը ոչ վաղ անցյալում վիրավորական արտահայտություններ էր հնչեցնում ՕԵԿ-ի հասցեին:
Հիշեցնենք, խորհրդարանական եռյակ-քառյակի ձեւաչափում ՀԱԿ-ը հրաժարվում էր ՕԵԿ-ի հետ համագործակցության հեռանկարից: Ավելին, երբ լրագրողները հարց էին տվել ՀԱԿ խմբակցության ղեկավար Լեւոն Զուրաբյանին ՕԵԿ-ի մասին, վերջինս ասել էր, որ պետք չէ իրեն վիրավորել: Լրագրողների այս հիշեցումը հունից հանեց ՕԵԿ-ական պատգամավորին:
«Էն մարդիկ, ովքեր փորձում են պղտոր ջրում ձուկ որսալու անարդյունավետ գործով զբաղվել, իրենց կարծիքով` իրենց ազդեցիկ «պապաների» թելադրանքով, դրանք միշտ փորձում են նենգափոխել իրականությունը: Էժանագին է հայտարարությունները նենգափոխելը, իսկ մենք դրա մշտական ականատեսն ենք եղել և լուրջ չենք վերաբերվում»,-ասաց նա`մեղադրանքի սլաքն ուղղելով լրագրողներին:
Կարդացեք նաև
Այլ մանրամասները` տեսանյութում
Նելլի ԳՐԻԳՈՐՅԱՆ
