Նոյեմբերի 13-ի առավոտյան, երբ դեռ տեղ չէր ունեցել Փարիզի ահաբեկչությունը, Գյումրիում հյուրընկալվել էր Ֆրանսիայի դեսպան Ժան-Ֆրանսուա Շարպանտիեի ղեկավարած պատվիրակությունը՝ մշակութային հարցերով խորհրդական Ժան-Միշել Գասպարիանի և լեզվի, հումանիտար հարցերով կցորդ Նատալյա Ցագրիսի ուղեկցությամբ:
Ֆրանսիական պատվիրակությունը եղել էր ինչպես Գյումրու քաղաքապետ Սամվել Բալասանյանի մոտ, այնպես էլ Գյումրու պետական մանակավարժական ինստիտուտում:
Ռեկտոր Վարդևան Գրիգորյանը մեր զրույցում ասաց, որ Գյումրու մանակավարժական ինստիտուտը սերտ համագործակցություն մեջ է Ֆրանսիայի դեսպանատան հետ, նոյեմբերի 13-ին դեսպանի հետ նախնական պայմանավորվածություն են ունեցել հանդիպել Գյումրու մանկավարժականում ու քննարկել ֆրանսերենի բաժնի ու ֆրանսերեն լեզվի զարգացմանը վերաբերող հարցեր:
Հյուրերին ճանապարհելուց հետո լսել են Փարիզն ահաբեկչության ենթարկելու գույժը: «Այդ գույժն իմացանք ուշ ժամի, ու մանկավարժական ինստիտուտը չէր կարող անմասն մնալ այդ ողբերգական իրադարձությունից: Մենք մեր զորակցությունն ենք հայտնում Ֆրանսիային, Ֆրանսիայի ժողովրդին և աղոթում ենք զոհված քաղաքացիների համար: Անընդունելի է նման ոճրագործությունը, երբ մարդ առավոտ խաղաղ պայմաններում դուրս է գալիս տնից իր գործունությունն իրականացնելու համար ու նման ոճրագործության զոհ է դառնում: Ողջ մարդկությունը պիտի կարողանա դատապարտել ու ամեն ինչ անել, որ նման ոճրագործությունները չկրկնվեն, չլինեն մարդկային զոհեր»,- ասաց Վարդևան Գրիգորյանը:
Կարդացեք նաև
Նունե ԱՐԵՎՇԱՏՅԱՆ
