Ֆինանսների նախարար Գագիկ Խաչատրյանն այսօր ԱԺ-ում ներկայացրեց 2016-ի բյուջեի նախագիծը:
Էդմոն Մարուքյանը նախարարին հարց ուղղեց՝ հիշեցնելով, որ այդ նույն ամբիոնից կառավարության անդամները ԵՏՄ անդամակցությունն էին գովերգում՝ վստահեցնելով, որ բյուջեի հարկային եկամուտները կավելանան տնտեսական զարգացման արդյունքում. «Դա տեղի չունեցավ եւ ակնկալիքներն էլ հուսադրող չեն: Հիմա ինձ հետաքրքրում է, թե 2016-ին ինչ ակնկալիքներ ունենք, ինչ հաշվարկներ կան»:
Գագիկ Խաչատրյանը պատասխանեց. «ԵՏՄ-ին անդամակցելուց բնականաբար ոչ մեկը չէր կարող գուշակել, թե ինչ տնտեսական իրողություններ կունենանք: Այն հաշվարկները, որ մաքսատուրքերի միջոցով կփակենք կորուստները, իրականության մեջ այն չէր, ինչ մենք կանխատեսում էինք: 10 ամսվա ընթացքում մաքսատուրքերի գծով ունենք 15 մլրդ-ի եկամուտ, բայց ավելացված արժեքի հարկով բնականաբար ունենք կորուստներ: Հիմնականում դա կապված է ԵՏՄ անդամ երկրների մոտ ներմուծման ծավալների կրճատման հետ:
ՌԴ-ում կրճատվել է ներմուծման ծավալը 40 տոկոս: Մենք չենք կարող դրա վրա ազդեցություն ունենալ, մենք պետք է դա ֆիքսենք: ԵՏՄ անդամ երկրներից միակն ենք, որ դեռ չի հասել սեկվեստորի դուռը, որովհետեւ մեր ներքին ռեսուրսների հաշվին զսպում ենք, բայց դա չի կարող անվերջ լինել, եթե բացասական միտումները շարունակվեն»:
Կարդացեք նաև
Հռիփսիմե ՋԵԲԵՋՅԱՆ
