Իսլանդիայում շարունակվող շախմատի Եվրոպայի թիմային առաջնության 3-րդ տուրում Հայաստանի տղամարդկանց ազգային հավաքականը հանդիպեց Նորվեգիայի ընտրանու հետ:
Ամբողջ առաջնության, թերեւս, գլխավոր դիմակայությունը կայացավ այս երկու թիմերի առաջատարների՝ աշխարհի չեմպիոն Մագնուս Կարլսենի եւ հավակնորդների մրցաշարի մասնակից Լեւոն Արոնյանի միջեւ, որում սեւերով հանդես եկող մեր հավաքականի առաջատարը պարտիայի միջնամասում մրցակցի խաղաքարերի «բերքահավաք» անելուց հետո արդեն 46-րդ քայլում Կարլսենին ստիպեց անձնատուր լինել:
Չորրորդ խաղատախտակի առջեւ հաղթանակ տարավ Հրանտ Մելքումյանը, իսկ Գաբրիել Սարգսյանը կարեւոր ոչ-ոքի արեց: Մեր թիմից անհաջողության մատնվեց միայն Սերգեյ Մովսիսյանը:
Հաղթելով 2,5:1,5 հաշվով՝ մեր տղամարդկանց հավաքականը թիմային չորս միավորով բարձրացավ 5-րդ հորիզոնական: Այսօր՝ չորրորդ տուրում, մեր մրցակիցը Անգլիայի հավաքականն է:
Կարդացեք նաև
Աշոտ ՀԱԿՈԲՅԱՆ
Լուսանկարը՝ etcc2015.com-ի
Շախմատում «բերքահավաք» անում են միայն սկսնակները, որոնց միակ նպատակը հնարավորինս հակառակորդի շատ ֆիգուրներ ՛՛ուտելն” է: Իրականում Արոնյանը միջնախաղում մատուցեց ՛՛թունավոր՛՛ զինվոր և սկսեց դինամիկ ու անկասելի գրոհ: Ի վերջո Կառլսենը հանձնվեց, ունենալով երկու ֆիգուր Արոնյանի որակի դեմ:
Բացի այն, որ համաշխարհային շախմատը հարստացավ ևս մեկ բացառիկ գեղեցիկ պարտիայով, Արոնյանը տարավ հոգեբանական առումով շատ կարևոր հաղթանակ: