Յոթ ահաբեկիչներից երկուսը, որ մահացել են Փարիզում ահաբեկչություն իրականացնելիս, Բրյուսելում ապրող Ֆրանսիայի քաղաքացիներ են: Գրում է rbc.ru-ն՝ նշելով, որ այդ մասին բելգիացի պաշտոնյան հայտնել է Associated Press-ին՝ անանուն մնալու պայմանով:
Աղբյուրի խոսքով՝ ֆրանսիացիներից մեկն ապրել է Մոլենբեկ-Սեն-Սան համայնքում: Նախօրեին De Standaard թերթը հայտնել էր այդ շրջանում ոստիկանական հետախուզության մասին, որի արդյունքում ձերբակալվել էր հինգ մարդ: «Ասոշիեյթիդ պրեսի» զրուցակիցը հայտնել է յոթ ձերբակալվածի մասին:
Ավելի վաղ տեղեկացրել էինք, որ ֆրանսիական ոստիկանությունը գտել է ահաբեկիչների մեքենան:
