ՀՅԴ Հայաստանի Երիտասարդական Միությունը իր զորակցությունն է հայտնում Ֆրանսիայի ժողովրդին: Դարեր շարունակ Ֆրանսիայի ժողովուրդն եղել է հայ ժողովրդի կողքին, աջակցել և մարդասիրական օգնություն է ցույց տվել` իր գրկում ապաստան տալով հարյուր հազարավոր հայ գաղթականների, ովքեր Հայոց ցեղասպանության օրերին հայտնվել էին անօթևան վիճակում: Մենք չենք մոռանում, որ այդ օրերին ֆրանսիական ռազմանավերն օգնության հասան Մուսա լեռան լանջերին պատսպարված և թուրքական շրջափակման մեջ գտնվող Սուետիայի հայությանը:
Մենք` հայ երիտասարդներս համարում ենք, որ Փարիզում տեղի ունեցածն անմարդկային ոճրագործություն է ուղղված` ոչ միայն Ֆրանսիայի ժողովրդի, այլև միջազգային հանրության դեմ:
Խստորեն դատապարտում ենք ահաբեկչական գործողությունները` ուղղված անմեղ քաղաքացիների դեմ:
ՀՅԴ Հայաստանի Երիտասարդական Միության անունից մեր անկեղծ վշտակցությունն ենք հայտնում Ֆրանսիայի բարեկամ ժողովրդին, զոհվածների հարազատներին և մերձավորներին:
Կարդացեք նաև
Հարգանքներով՝
ՀՅԴ Հայաստանի Երիտասարդական Միություն
