«Վերածվել ենք աբսուրդների երկրի, որովհետեւ դեռ 2001, 2002 թվականներից ես բավականին լավ հիշում եմ, որ կար ակտիվ աշխատանք հասարակական-քաղաքական դաշտում, որ երկրում հասնենք խորհրդարանական կառավարման համակարգին: Այսօր կարծես հասունացել է ժամանակը, որ գալիս ենք դրան, բայց ինչ-որ մարդիկ սկսել են ասել, որ դա ձեռնտու չի, ավելի վատ է»,- այս մասին «Դեբատ» ակումբում «Երկիր մայր օրենքի բարեփոխումներին «Այո» կամ «Ոչ» ասելու հանրաքվեին ընդառաջ» խորագրով քննարկման ընթացքում ասաց «Երիտասարդ դեմոկրատների ազգային լիգա հ/կ նախագահ Կորյուն Գրիգորյանը:
Գրիգորյանը նշեց, որ սա իսկական աբսուրդ է, որովհետեւ նոր Սահմանադրությունն ավելի շատ հնարավորություն է տալիս ընդդիմությանը եւ «հետաքրքիր է նրանում, որ այսօր իշխող կուսակցությունն է փորձում համոզել է ընդդիմությանը, որ իրենց հնարավորությունները ավելի շատ են, ընդդիմությունը դրանից հրաժարվում է, ինչ-որ աբսուրդ վիճակի ենք հասել»:
Նա կարծում է, որ աշխատանքի այս ոճը կառուցողական չէ. «Ցավոք ընդդմիադիր դաշտը չի մասնակցում այն քննարկումներին, որ կարող էր մասնակցել եւ ներկայացնել իր առաջարկները, եւ այլն: Սա իրականությունն է եւ շատ ափսոսում է դրա համար, որովհետեւ ըստ իս ավելի շատ մենք կօգտվեինք, եթե համատեղ աշխատանք լիներ: Իմ տեսանկյունից բարեփոխումների կարիքը շուտվանից կա»:
Աշոտ ԻՍՐԱԵԼՅԱՆ
