Չարենցավանցիները բողոքում են, թե բավարար իրազեկված չեն
«Նոր Հայաստան» հանրային փրկության ճակատը նոյեմբերի 13-ին Չարենցավանում հավաք էր կազմակերպել: Մինչ հավաքի սկիզբը Aravot.am-ը Չարենցավանի փողոցներում հետաքրքրվեց անցորդներից՝ տեղյա՞կ են արդյոք սահմանադրական փոփոխությունների մասին, կո՞ղմ են, թե՞ դեմ:
Անցորդներից մեկն ասաց, որ կողմ է փոփոխություններին, քանի որ փոփոխությունները միշտ էլ պետք են առաջ գնալու համար: Քաղաքացիներից ոմանք էլ նշեցին, որ սահմանադրական փոփոխությունների մասին տեղեկություն ընդհանրապես չունեն, եւ պատրաստվում են մասնակցել հավաքին, որպեսզի տեղեկություններ ստանան: Նրանք բողոքում էին, թե հաշված օրեր են մնացել հանրաքվեին, սակայն բազմաթիվ քաղաքացիներ իրազեկված չեն եւ չեն հասկանում, թե իրենից ինչ է ներկայացնում սահմանադրական փոփոխությունների նախագիծը եւ ինչու պետք է այո կամ ոչ ասեն:
Հարցվածներից մեկն էլ սկզբում խուսափում էր պատասխանել մեր հարցերին՝ պնդելով, որ իր ձայնը որոշիչ չի լինելու. «Ոչ ենք ասելու, բայց մեջն ի՞նչ կա»:
Կարդացեք նաև
Այն քաղաքացիները, որոնք դեմ էին սահմանադրական փոփոխությունների նախագծին, որպես իրենց հիմնական փաստարկ նշում էին, որ գործող Սահմանադրությունը լավն է, կարիք չկա այն փոխել:
Հարցման մանրամասները՝ տեսանյութում:
Ամի ՉԻՉԱԿՅԱՆ
