«Իհարկե, ամերիկացի համանախագահի կոշտ արձագանքը ԵԽԽՎ զեկույցի հետ կապված չէր կարող անտարբեր թողնել Մոսկվային, եւ Լավրովը, փաստորեն, համաձայնվեց Երեւանի եւ Վաշինգտոնի՝ արդեն իսկ արտահայտած մոտեցումների հետ: Սա այն նույն Մոսկվան է, հիշեցնեմ, որ իր բազմամիլիարդավոր զինամատակարարումներով լկտիացրեց Ալիեւի ռեժիմին՝ մոտեցնելով տարածաշրջանը պայթյունի: Եվ բախվելով հայտնի պատճառներով առաջացած գրեթե անհաղթահարելի բարդություններին՝ Մոսկվան ստիպված է փոխել «մեղեդին» եւ փորձել հանդես գալ կառուցողական դիրքերից, գոնե արտաքուստ:
Սա դրական զարգացում է Ղարաբաղյան հիմնախնդրի բանակցային գործընթացում, եւ այն անհրաժեշտ է ամրագրել բանակցությունների ներկա փուլում»,- «Առավոտ»-ի հետ զրույցում նկատեց «Քաղաքական եւ միջազգային հետազոտությունների կենտրոնի» փորձագետ Ռուբեն Մեհրաբյանը` անդրադառնալով օրերս Երեւանում ՌԴ ԱԳ նախարար Սերգեյ Լավրովի հայտարարությանը, թե ԵԱՀԿ ՄԽ համանախագահող երկրները դեմ են, որ ԼՂ հարցը տեղափոխվի այլ հարթակներ:
«Առավոտ» օրաթերթ
11.11..2015
