«Նման հանդիպումները կարող են պարբերական բնույթ կրել՝ ունենալով տարբեր օրակարգեր»,- նոյեմբերի 11-ին լրագրողների հետ զրույցում, անդրադառնալով Սերգեյ Լավրովի այցին, ասաց ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանը:
Նրա խոսքերով՝ այցի ընթացքում երկուստեք հետաքրքրություն ներկայացնող խնդիրներ են քննարկվել, եւ անդրադարձ եղել է ինչպես արտաքին քաղաքական, այնպես էլ տարածաշրջանային խնդիրներ: Պատասխանելով հարցին, թե Լավրովը ի՞նչ պահանջով էր եկել Հայաստան, նա ասաց. «Որոշակի շրջանակներ, այդ թվում եւ լրատվական, վարկածներ են առաջ քաշում եւ հետո այդ վարկածների շուրջ սկսում են իրենք մեկնաբանություններ ստանալ տարբեր անձանցից, եւ այդ վարկածների շուրջ փորձում են տարատեսակ քննարկումներ կազմակերպել: Այն ինչ ներկայացվել է պաշտոնական հաղորդագրության մեջ, կուզենայի որ հենց այդ շրջանակներում փորձեք հարցադրումներ հնչեցնել, թե չէ տողատակերում, ենթատեքստեր տեսնել … Հրապարակային են եղել հանդիպումները, ներկայացվել է պաշտոնական հաղորդագրություն»:
Կորյուն Նահապետյանը համարում է, որ Լավրովի այցը պետք է ընդհանուր առմամբ դիտել որպես հերթական այց. «Մամուլում հանդիպել եմ նման հարցադրումներ, որ կարծես թե ինչ որ պահանջներ են ներկայացվել Հայաստանի իշխանություններին եւ նման կարգի այլ շեշտադրումներ: Ես կարծում եմ, որ դրանք սոսկ ենթադրությունների մակարդակի վրա են եւ որեւէ բավարար հիմք չունեն, եւ դրանց շուրջ ինտրիգներ ստեղծելը ուղղակի տեղին չէ»:
Կարդացեք նաև
Ամի ՉԻՉԱԿՅԱՆ
