«Մենաշնորհների կողմից վերահսկողությունը այն ուղղությունն է, որի ուղղությամբ մենք պետք է մեր հայ գործընկերների հետ աշխատենք»
Ինչպես արդեն տեղեկացրել էինք ԱՄՆ դեսպան Ռիչարդ Միլսը նոյեմբերի 10-ին ելույթ է ունեցել Հայ-ամերիկյան առեւտրաարդյունաբերական պալատի առաջ:
Ելույթից հետո դեսպանը պատասխանեց լրագրողների հարցերին: Անդրադառնալով տնտեսական մենաշնորհին՝ դեսպանը ասաց, որ դա պայմանավորված է նաեւ նրանով, որ Հայաստանի՝ Թուրքիայի հետ սահմանը փակ է. «Սահմանի փակ լինելով նաեւ տնտեսության համար շուկան է փակ: Եվ տնտեսական ուժի չարաշահման այս խնդիրը, որ շուկան բաց լինի նաեւ փոքր ձեռնարկությունների համար, լինելու է մեր աշխատանքների կիզակետում»:
Սակայն Ռիչարդ Միլսը հավելեց, որ երբեմն չեն ներկայացվում այդ ոլորտում դրական զարգացումները, մասնավորապես՝ կոռուպցիայի հարցում. «Կարծում եմ, որ Հայաստանի կառավարությունը վերջին տասնամյակում իսկապես առաջընթաց է գրանցել՝ ավելի բաց է, ավելի թափանցիկ: Կարծում եմ՝ Հայաստանի քաղաքացիներին հիմնական ծառայությունների մատուցումը ավելի բաց եւ ավելի հասկանալի ձեւով է իրականացվում: Այժմ մարդկանցից չի պահանջվում, որ կաշառք տան այնպիսի ծառայությունների համար, որոնք պետությունը պարտավոր է մատուցել: Ճիշտ նշեցիք՝ մենաշնորհների կողմից վերահսկողությունը այն ուղղությունն է, որի ուղղությամբ մենք պետք է մեր հայ գործընկերների հետ աշխատենք: Հեշտ ուղղություն չէ, բայց աշխատելու ենք»:
Կարդացեք նաև
Ամի ՉԻՉԱԿՅԱՆ
